Pellazgët-Shqipëtarët – Naim Frashëri

Pellazgët-Shqipëtarët
    Ishte një ditë
    Që pellasgjitë
    Posi një dritë
    Mbuluan dhenë
    Duall ng’ Asia
    Si mizëria
    Dhe me ania
    E hodhë denë.

    Pas pakë herë,
    Duke përzjerë
    Ca me të tjerë,
    Bënë elinët,
    Dhe duke ndarë
    Syresh një farë,
    Si ka të ngjarë,
    Bëri llatinët.

    Edhe të tjerët
    E më të ndjerët,
    Të papërzjerët,
    Pellasgjinj mbenë
    Maqedhoninjtë
    E ilirinjtë
    E mollosinjtë,
    Gjith’ ata qenë.

    Dhe ata janë
    Prindërtë tanë,
    Pastaj na thanë
    Na shqiptarë
    Mundim të themi
    Ne ata jemi,
    Atë gjak kemi,
    Si dhe shtyparë.

    Thot’ Herodoti,
    Në Tomor zoti
    Shtëpi qëmoti
    Kishte Dhodhonë
    Eshtë m’e vjetër
    Ngaha çdo tjetër,
    Shumë më tepër,
    Kjo gjuha jonë.

    Ne kurdoherë
    Burra të ndjerë
    Edhe të vlerë
    Jemi treguar;
    Me grekërinë
    Dhe me Persinë,
    Me gjith’ Asinë
    Kemi lëftuar.

    Me Lekën vamë,
    Muntmë Daranë,
    Datën i dhamë
    Gjithë Asisë
    Burr’ u dëftyem,
    Të gjith’ i thyem,
    Përmbys e kthyem
    Fron’ e Persisë.

    Të tërë dhenë,
    Den’ e sterenë,
    Sa kombe qenë
    Në këmb i vumë
    Dhe mbretëruam
    Kudo që shkuam,
    Tekdo lëftuam,
    Vëndin e zumë.

    Me Pirron vamë
    Romës i ramë,
    Llatint’ i vramë
    E i tmeruam;
    Me Skënderbenë
    Tyrqve sa qenë
    U dhamë dhenë
    Dhe i dëbuam.

    Kush i goditi
    Posi petriti
    E i cfiliti
    Tyrqit, barbarët?
    Bota s’kuxonte
    Që t’u qëndronte,
    Po kush lëftonte?
    Ne shqiptarët.

    Pastaj u ndruam,
    Se s’kupëtuam
    Dhe nuk e çquam
    Të mirën tënë
    Gjaknë për botë
    E derthmë kotë,
    Njeri ç’të thotë?
    Nuk ishte thënë!

    Mbajtmë Tyrqinë,
    Ngjallmë Greqinë,
    Ndihm’ Italinë.
    Pο Shqipërinë?
    Pse s’u munduam?
    Për kë lëftuam?
    Neve ç’fituam?
    ç’kemi taninë?

2 Përgjigje

  1. shume bukur kwete kemnge e kamper zemr sepse kam mare cmim duke e enduar

  2. Hi Facebook works fine to me however your site
    is loading steadily which went on just about a minute to be able to load up,
    I am not sure if it is my own issue or your website problem.
    Well, Thanks for writing an incredibly fantastic articles.
    In my opinion it really has already been honestly helpful to user who actually
    visit here. This is undoubtedly fantastic what you have done and wish to check out a lot more
    awesome posts from your website. To obtain additional knowledge
    from articles which you publish, I’ve added this web page.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshojeni )

Foto Twitter-i

Po komentoni duke përdorur llogarinë tuaj Twitter. Dilni / Ndryshojeni )

Foto Facebook-u

Po komentoni duke përdorur llogarinë tuaj Facebook. Dilni / Ndryshojeni )

Foto Google+

Po komentoni duke përdorur llogarinë tuaj Google+. Dilni / Ndryshojeni )

Po lidhet me %s

Këtë e pëlqejnë %d blogues: